 |
| sumber gambar: https://statik.tempo.co |
Contoh Teks Sambutan Penerima Pengantin
السلام عليكم ورحمة الله
وبركا ته
بِسْمِ
اللهِ الرَّحْمَنِ الرَّحِيْمِ, الْحَمْدُلِلَّهِ الَّذِي أَحَلَّ النِّكَاحَ وَحَرَّمَ
الصِّفَاحَ, وَالصَّلَاةُ وَالسَّلَامُ عَلَى مَنْ دَعَا إِلَى سَبِيْلِ النَّجَاحِ,وَعَلَى
أَلِهِ وَأَصْحَابِهِ اَهْلِ الصِّدْقِ وَالصَّلاَحِ. أَمَّا بَعْدُ.
سعادة الكراماء ومشيخنا الأعزاء
Poro Alim Ulama’ poro Kyai ingkang tansah
kitho ta’ dzimi soho ingkang tansah kito ajeng-ajeng barokahipun.
Wabil khusus dumateng panjenenganipun Bp.......
saking......, ingkang kito ajeng-ajeng barokah Mau’idhoh Hasanah ipun soho
barokah Do’ a ipun, ingkang kito ta’ dzimi soho kito mulya’aken.
Ingkang kito mulyaaken dumateng poro sesepuh
dalah pini sepuh soho poro Tokoh masyarakat.
Ingkang kito hurmati, Shohibul Hajjah inggih
puniko Bp....... dalah keluarga.
Dumateng ingkang berbahagia injih Pinanganten sarimbit
inggih puniko kangmas bagus..... dalah roro ayu.....
Ingkang kito hurmati, poro Tamu undangan,
langkung-langkung pengombyong pinanganten kakung/putri.
Dumateng poro rawuh poro pilengah
samudayanipun ingkang dahat kinurmatan.
Ingkang awal ingkang utami, monggo kito sedoyo
sareng-sareng ngaturaken puji syukur dumateng Allah Subhanahu wata’ ala,
ingkang sampun paring pinten-pinten kanikmatan, karohmatan, hidayah dumateng
kito sedoyo, sehinggo wonten ing wekdal puniko kito waged makempal soho ijabatudda’
wah wontenipun acara Walimatul Ursy kanti pinaringan wilujeng mboten
manggihi alangan satunggaling punopo. Pramilo saking meniko monggo raos syukur
kito lahiraken kanti waosan Tahmid bil lisan.....alhamdulillah
Sholawat soho salamipun Allah mugi tansah
katur kunju’aken dumateng junjungan kito lan panutan kito Nabi Agung Muhammad
SAW. ingkang mugio kito sedoyo tansah kagolongaken umat ingkang pikantuk
barokah syafa’atipun langkung-langkung mbenjang wonten ing yaumal qiyamah,,
Amin ya robbal ‘alamin.
Dumateng poro rawuh poro pilenggah ingkang
tansah kito mulya’aken.
Kepareng kaulo matur wonten ngarso panjenengan
sedoyo, bilih kaulo wonten ing mriki ingkang aminangkani talang atur saking
sohibul bait Bp..... aminongko tiang sepahipun pinanganten kakung/putri,
ingkang sepisan ngaturaken sugeng rawuh sugeng pinanggihan kanti kaulo aturaken
marhaban ahlan wa sahlan bi hudzurikum.
Lan ugi saking sohibul bait ngaturaken
agungeng panuwun dumateng poro rawuh poro pilenggah ingkang sampun kerso
nyembadani menopo ingkang dados kersanipun saking sohibul bait. Mugi-mugi rawuh
panjenengan sedoyo dadoso amal ibadah ingkang dipun tampi Allah STW. Amin ya
robbal Alamin
Ingkang ongko kalih, kolo wau Bp.... Ingkang dados
wakil masrahaken pinanganten kakung/putri sampun ngaturaken salam saking tiang
sepahipun pinanganten kakung/putri. Pramilo wonten ing mriki kaulo jawab و عليك وعليه السلام
ورحمة الله وبركاته lan kolo wau
wakil tiang sepahipun pinanganten kakung/putri sampun masrahaken pinanganten kakung/putri
dateng keluargo mriki. Pramilo kanti waosan بسم الله الحمد لله ولا حولاولا
قوة الا بالله ugi kanti raos
bonggo ugi bingahipun manah temanten kakung/putri, langsung kaulo tampi kalian
asto kalih. Lan ugi, Bp........ sak keluargo minongko tiyang sepahipun
pinanganten putra/putri nyuwun tambahipun do’a ugi pangestu, mugi-mugi kaulo sa’keluargo
saged membina lan mendidik putro temanten kekalih kanti sak sae-sae nipun. Sehinggo
muwuhaken rumah tanggah ingkan sakinah, mawaddah wa rohmah. Amiin...
Poro rawuh poro pilenggah
ingkang tansah kito mulyaaken.
Ingkang sak lajengipun sohibul
bait nyuwun agungeng pangapunten menawi saking rawuhipun panjenengan sedoyo
mboten waged nyaosaken papan pilenggahan ingkang sekeco minggahing pahurmatan,
ugi pasugatan ingkang dereng nyocoki ugi maremaken wonten ing manahipun
panjenegan sedoyo. Sepindah malih kaulo atas nami talang atur saking sohibul
hajjah nyuwunaken agungeng pangapunten.
Ingkang terakhir, kolo wau ugi
dipun aturaken sak ba’danipun acoro puniko sampun paripurno sangking rombongan
pengombyong pinanganten kakung/putri badhe teras nyuwun pamit, saking sohibul
hajjah namung waged matur ndereaken sugeng kondur, kalih nderek dedungo
mugi-mugi kondur panjenengan sedoyo awit saking griyo mriki dumugi dalemipun
piyambak-piyambak tansah pikantuk rohmat lan kawilujengan saking ngarsonipun
Allah SWT. Amiin ya robbal ‘alamin.
Dumateng poro pilenggah ingkang kaulo mulyaaken, mekaten pematur kaulo atas nami talang atur saking keluargi pinanganten kakung/putri. Katah kalepatan soho kekirangan nyuwun agungeng pangapunten. Kaulo akhiri
و السلام عليكم ورحمة الله وبركاته
Penulis: M.Syafi'i, Sadam N.
0 Komentar